संकटाको 'उपहार' गोलमा पुलिसको जित
<p>काठमाडौं। शहीद स्मारक ए डिभिजन लिग अन्तर्गत आज भएको पहिलो खेलमा नेपाल पुलिस क्लब विजयी भएको छ। संकटालाई २-१ गोलले हराउँदै पुलिसले जित हासिल गरेको हो। </p>
<p>जितसँगै पुलिस कूल ७ अंक जोड्दै लिगको पाँचौ स्थानमा उक्लिएको छ। ४ अंक रहेको संकटा दशौं स्थानमा छ। जारी लिगमा चार खेल खेलेको पुलिसको यो दोस्रो जित हो।</p>
<p>पुलिसले पहिलो हाफको १५औं मिनेटमा संकटाबाट एक गोल उपहार पाएको थियो। संकटाका अमित तामाङले बल क्लियर गर्ने क्रममा भएको आत्मघाती गोलबाट पुलिसले अग्रता बनाएको थियो। </p>
<p>उपहारमा गोल पाएको पुलिसको अग्रता ३ मिनेटभन्दा बढी टिकेन। अमितले नै १८औं मिनेटमा संकटाका लागि गोल गरेर खेल बराबरीमा पुर्‍याए। ३३ औं मिनेटमा सुमन लामाले गरेको गोलले नै पुलिसलाई जित दिलायो।<br />
</p>
प्रतिक्रिया दिनुहोस्
.jpg)
