ट्रभिस हेडको शतकमा अस्ट्रेलिया बलियो
<p>काठमाडौं। ट्रभिस हेडले शतकसहित टिम पाइनसँग १५० रनको साझेदारी गरेपछि अस्ट्रेलिया न्युजिल्यान्डविरुद्ध पहिलो टेस्टको दोस्रो दिन बलियो स्थितिमा पुगेको छ।</p>
<p>मेलबर्न क्रिकेट मैदानमा अस्ट्रेलियाले २५७–४ को स्थितिबाट दोस्रो दिनको खेल थालेको थियो। दोस्रो दिन शुरू गर्दा स्टिभ स्मिथ ७७ तथा ट्रभिस हेड २५ रनको स्थितिमा थिए। </p>
<p>स्मिथ ८ चौका र १ छक्कासहित ८५ रन बनाएर पवेलियन फर्किए। ट्रभिस हेडले १२ चौकासहित ११४ रन बनाए। नेल वाग्नरको बलमा मिचेल सन्टनगरको हातबाट क्याच हुनुअघि हेडले टिम पाइनसँग छैटौं विकेटका लागि १ सय ५० रनको साझेदारी गरेका थिए।</p>
<p>टिम पाइनले ९ चौकासहित ७९ रन बनाए। अघिल्लो दिन म्याथ्यु वेडले ३८, डेबिड वार्नरले ४१ तथा मार्नुस लाबुसेनले ६३ रन बनाएका थिए। अस्ट्रेलियाले पहिलो इनिङमा सबै विकेट गुमाएर ४६७ रन बनायो। <br />
न्युजिल्यान्डका वाग्नरले ४ विकेट लिँदा टिम साउथीले ३, कोलिन डी ग्राण्डहोमले २ तथा ट्रेन्ड बोल्टले १ विकेट लिए। </p>
<p>त्यसपछि ब्याटिङ थालेको न्युजिल्यान्डले ४४ रन जोड्दा दुई विकेट गुमाइसकेको छ। भ्रमणकारी टोलीका कप्तान केन विलियम्सनले ९ तथा टम ब्लुन्डेलले १५ रन जोडे। दोस्रो दिन सकिँदा टम लाथम ९ र रोस टेलर २ रनमा अविजित छन्। </p>
<p>अस्ट्रेलियाका पेट कुमिन्स र प्याटिन्सनले एक–एक विकेट लिए। </p>
प्रतिक्रिया दिनुहोस्
.jpg)
