मार्सियालको दुई गोलमा युनाइटेडको सानदार जित
<p>काठमाडौं। एन्थोनी मार्सियालको दुई गोलप्रेरित म्यानचेस्टर युनाइटेडले बिहीबार राती एक शुन्यले पछि परेको स्थिति उल्टाउदै न्युक्यासल युनाइटेडमाथि ४–१ को नतिजा निकालेको छ। </p>
<p>ओल्ड ट्राफोर्डमा म्याथ्यु लङस्टाफको गोलमा पाहुना टोली न्युक्यासलले १७औं मिनेटमा अग्रता लिएको थियो। त्यसको सात मिनेट वित्न नपाउँदै मार्सियालले बराबरी गोल फर्काए।<br />
१८ वर्षे मासन ग्रिनउडको गोलमा युनाइटेडले ३६औं मिनेटमा अग्रता लियो। ४१औं मिनेटमा मार्कुस राशफोर्डले अर्को गोल थपे। ५१औं मिनेटमा मार्सियालले व्यक्तिगत दोस्रो गोल थप्दा युनाइटेडले ४–१ को नतिजा निकाल्यो। </p>
<p>जितसँगै युनाइटेड सातौं स्थानमा उक्लिएको छ। युनाइटेडले १९ खेलमा २८ अंक जोडेको छ। न्युक्यासल २५ अंकका साथ दशौं स्थानमा छ। </p>
<p>युनाइटेड आइतबार रेलिगेशन क्षेत्रमा रहेको वाटफोर्डसँग २–० ले पराजित भएको थियो। युनाइटेडले अब आइतबार बर्नलीको भ्रमण गर्नेछ। न्युक्यासले भने शनिबार एभर्टनलाई आथित्य प्रदान गर्नेछ। <br />
</p>
प्रतिक्रिया दिनुहोस्
.jpg)
