इटालियन सुपर कपको उपाधि लाजियोलाई
<p>काठमाडौं। युभेन्टसलाई गएराति ३-१ ले पराजित गर्दै लाजियोले इटालियन सुपर कपको उपाधि जितेको छ। </p>
<p>साउदी अरेबियाको किंग साउद युनिभर्सिटीको रंगशालामा भएको खेलमा लाजियोले १६औं मिनेटमा अग्रता लिएको थियो। </p>
<p>लाजियोलाई लुइस अल्बर्टोले अग्रता दिए । </p>
<p>पहिलो हाफको अन्तिम मिनेटमा पाउलो डिबालाले बराबरी गोल फर्काए। </p>
<p>खेल सकिन १७ मिनेट बाँकी रहँदा सेनाड लुलिकले पुन: लाजियालाई अग्रता दिए। </p>
<p>इन्जुरी समयमा रोड्रिगो बेन्टेनकरले दोस्रो पहेँलो कार्डको सामना गरेपछि युभेन्टस दश खेलाडीमा सिमित बन्यो। </p>
<p>लगत्तै लाजियोका ड्यानिलो काटाल्डीले अर्को गोल थप्दै उपाधि पक्का गरे। </p>
<p>दुई साताअघि पनि इटालियन सिरी ‘ए’ मा युभेन्टस लाजियोसँग समान ३-१ को अन्तरमा पराजित भएको थियो। </p>
<p>युभेन्टसले सुपर कप खेलेको यो लगातार आठौं पटक हो। यसमध्ये चार पटक लाजियोविरुद्ध नै खेलेको छ।</p>
प्रतिक्रिया दिनुहोस्
.jpg)
