सन्दीपको क्लब मेलबर्नद्वारा होबर्ट पराजित
<p><br />
काठमाडौं। सन्दीप लामिछानेको क्लब मेलबर्न स्टार्सले अस्ट्रेलियाको बिग बास लिगमा होबर्ट हुरिकान्सलाई ५२ रनले पराजित गरेको छ।</p>
<p>लगातार दोस्रो जित हात पारेको मेलबर्न लिगको दोस्रो स्थानमा उक्लिएको छ। </p>
<p>मार्कुस स्टोइनिसले अविजित ८१ रन बनाएपछि टस जितेर ब्याटिङ गरेको मेलबर्नले निर्धारित २० ओभरमा ४ विकेट गुमाएर १६३ रन बनाएको थियो।</p>
<p>मेलबर्नका ह्यारिस राउफले ५ विकेट लिएपछि १६४ रनको लक्ष्य पछ्याएको होबर्टले १६ ओभरमा सबै विकेट गुमाएर १११ रन मात्र जोड्न सक्यो। </p>
<p>जितसँगै २ खेलबाट ४ अंक जोडेको मेलबर्न दोस्रो स्थानमा उक्लिएको छ। सिड्नी थन्डर ५ अंकका साथ शीर्ष स्थानमा छ। </p>
<p>स्टोइनिसले अविजित ८१ रन बनाउनेक्रममा ५४ बल खेल्दै ७ चौका र ४ छक्का प्रहार गरे। </p>
<p>उनले पहिलो विकेटका लागि निक म्याडिन्सनसँग पहिलो विकेटका लागि ८१ रनको साझेदारी गरेका थिए। निकले ४० रन बनाए। </p>
<p>बेन डन्कले १९ रन बनाउँदा हिल्टन कार्टराइट १३ रनमा अविजित रहे। कप्तान ग्लेन म्याक्सवेल २ तथा पिटर ह्यान्डकोम्ब ३ रनमा आउट भए। </p>
<p>होबर्टका रिले मेरेडिथले ३ तथा क्विस अहमदले १ विकेट लिए। </p>
<p>ह्यारिस राउफले ४ ओभरमा २७ रन दिएर ५ विकेट लिएपछि होबर्टका कुनै पनि ब्याट्सम्यानले खुलेर खेल्न सकेनन्। </p>
<p>होबर्टका लागि क्लिभ रोजले सबभन्दा धेरै अविजित ३२ रन बनाए। कालेब जेवेलले २५ रन बनाउनुबाहेक होबर्टका अन्य ब्याट्सम्यानले खुलेर खेल्न सकेनन्। </p>
<p>राउफ बोहक मेलबर्नका लागि नेपालका सन्दीपले ३ ओभरमा १८ रन दिएर १ विकेट लिए। </p>
<p>सन्दीपले पहिलो खेलमा पनि १ विकेट लिएका थिए। कप्तान म्याक्सवेल र एडम जम्पाले समान २ विकेट लिए।</p>
प्रतिक्रिया दिनुहोस्
.jpg)
