विराटनगर टाइटन्सलाई चितवनको १४७ रनको लक्ष्य
<p>काठमाडौं। लगातार चौथो जितको खोजीमा रहेको चितवन राइनोजले पोखरा प्रिमियर लिगमा आज विराटनगर टाइटन्सलाई १४७ रनको लक्ष्य दिएको छ। </p>
<p>पोखरा रंगशालाको क्रिकेट मैदानमा विराटनगरका कप्तान प्रदीप ऐरीले टस जितेर चितवनलाई ब्याटिङको निम्तो दिएका थिए। </p>
<p>चितवनले निर्धारित २० ओभरमा ४ विकेट गुमाएर १४६ रन बनायो। </p>
<p>चितवनका लागि आरिफ शेखले सबभन्दा धेरै अविजित ३९ रन बनाए। </p>
<p>उनले सन्नी पटेलसँग अविजित ५४ रनको साझेदारी गरे। सन्नी २७ रनमा अविजित रहे। </p>
<p>कप्तान पारस खड्काले ३५ र बाबर हायतले २५ रन जोडे। पारस र बाबरले दोस्रो विकेटका लागि ४७ रनको साझेदारी गरेका थिए। </p>
<p>रोहन मुस्तफा ७ र अनिलकुमार शाह ३ रनमा आउट भए। </p>
<p>विराटनगरका जितेन्द्र मुखिया, किशोर महतो, पुनित मेहेरा र मुहम्मद जाइद आलमले १/१ विकेट लिए। </p>
<p>चितवनले यसअघि पोखरा पल्टनलाई ६ विकेट, बुटबल ब्लास्टरलाई १ सय १९ र धनगढी ब्लुजलाई ५२ रनले पराजित गरेको थियो। </p>
<p>विराटनगरले भने १ खेलमात्र जितेको छ।</p>
प्रतिक्रिया दिनुहोस्
.jpg)
