इन्टर मिलान इटालियन 'सिरी ए' को शीर्ष स्थानमा
<p>काठमाडौं। रोमेलु लुकाकुको दुई गोलप्रेरित इन्टर मिलानले गएराति जेनोआलाई ४-० ले पराजित गर्दै इटालियन सिरी ‘ए’ को शीर्ष स्थानमा उक्लिएको छ। </p>
<p>घरेलु मैदानमा लुकाकुले ३१औं मिनेटमा इन्टरलाई अग्रता दिएका थिए। लुकाकुकै पासमा रोबार्टो गाग्लिएर्दिनीले ३३औं मिनेटमा अग्रता दोब्बर बनाए। </p>
<p>६४औं मिनेटमा सेबास्टिनो स्पोसिटोले पेनाल्टीमा अर्को गोल थपे। ७१औं मिनेटमा लुकाकुले व्यक्तिगत दोस्रो गरे। </p>
<p>जितसँगै १७ खेलमा ४२ अंक जोडेको इन्टर शीर्ष स्थानमा उक्लिएको छ। समान अंक भए पनि साविक विजेता युभेन्टस गोलअन्तरको आधारमा दोस्रो स्थानमा छ। </p>
<p>शनिबारै इटालियन सिरी ‘ए’ मा एएस रोमाले फियोरेन्टिनालाई ४–१ ले हरायो। </p>
<p>रोमाको जितमा इडेन जेको, एलेक्जेन्डर कोलारोभ, लोरेन्जो पेलेग्रिनी र निकोलो जानिओलोले गोल गरे। </p>
<p>रोमा ३५ अंकका साथ चौथो स्थानमा छ। फियोरेन्टिना १५औं स्थानमा छ। </p>
<p>पाँचौ स्थानको काग्लिअरी चौधौं स्थानको युडिनेससँग २-१ ले पराजित भयो। <br />
</p>
प्रतिक्रिया दिनुहोस्
.jpg)
