साविक विजेता बायर्नको जित
<p>काठमाडौं। अन्तिम समयमा गरेको गोलमा साविक विजेता बायर्न म्युनिखले शनिबार राती जर्मन बुन्डेसलिगामा उल्फबर्गलाई २–० ले पराजित गरेको छ। </p>
<p>बायर्नको जितमा जोशुए जिर्कजीले ८५औं मिनेटमा गरेका थिए भने सेर्गी गानर्बीले ८९औं मिनेटमा गोल गरेका थिए। </p>
<p>जितसँगै १७ खेलमा ३३ अंक जोडेको बायर्न तेस्रो स्थानमा छ। उल्फबर्ग २४ अंकका साथ नवौं स्थानमा छ। </p>
<p>बायर्न शीर्ष स्थानको लिपजिगभन्दा ४ अंकले पछि छ। दोस्रो स्थानको मोन्चेनग्लाडबचभन्दा २ अंकले पछाडी छ। </p>
<p>लिपजिगले औसबर्गलाई ३–१ ले हराउँदा मोन्चेनग्लाडबचले हेर्था बर्लिनसँग गोलरहित बराबरी खेल्यो। </p>
<p>बुन्डेसलिगामा ५ पुसमै बायर लेभरकुसेनले मेन्ज०५ लाई तथा कोलनले वेर्डेर ब्रेमेनलाई समान १-० को नतिजामा हरायो। </p>
<p>फ्रेइबर्गले साल्केसँग २–२ को बराबरी खेल्यो। त्यसअघि चौथो स्थानमा रहेको बोरुसिया डर्टमण्डले होफिनहेइमलाई २–१ को नतिजा सुम्पियो। </p>
<p><br />
</p>
प्रतिक्रिया दिनुहोस्
.jpg)
