सिटीको जितमा डी ब्रुयनाको प्रभाव
<p>काठमाडौं। केभिन डी ब्रुयनाको उत्कृष्ट प्रदर्शनप्रेरित म्यानचेस्टर सिटीले गएराति इङ्लिस प्रिमियर लिगको दोस्रो स्थानको लेस्टर सिटीलाई ३–१ ले पराजित गरेको छ। </p>
<p>सिटीका प्रशिक्षक पेप ग्वार्डिओलाले लामो समयपछि डी ब्रुयनाले उत्कृष्ट प्रदर्शन गरेको बताए। </p>
<p>बेल्जियमका २८ वर्षे मिडफिल्डर डी ब्रुयनाकै प्रदर्शनमा साविक विजेता सिटीले लेस्टरसँगको दुरी १ अंकमा छोट्याएको छ। </p>
<p>डी ब्रुयनाले गाब्रियल जिससको गोलमा अवसर सिर्जना गरिदिएका थिए। जिससबाहेक सिटीको जितमा रियाद माहरेज र इल्के गुन्डोगनले गोल गरे।</p>
<p>सिटीको घरेलु मैदानमा जेमी भार्डेको गोलमा लेस्टरले शुरूमै अग्रता लिएको थियो। तथापी लेस्टरले अग्रता जोगाउन नसक्दा अंक गुमायो। </p>
<p>“डी ब्रुयना असाधारण खेलाडी हुन्”, सिटीका प्रशिक्षक ग्वार्डिओलाले भने, “उनले हामीलाई जिताएका छन्।”</p>
<p>आर्सनललाई ३–० ले हराउँदा डी ब्रुयनाले २ गोल गरेका थिए। चेल्सीका पूर्व खेलाडी डी ब्रुयना उत्कृष्ट पाँच खेलाडीमा पर्न सफल भएका छन्। </p>
<p>जितसँगै सिटीले १८ खेलबाट ३८ अंक जोडेको छ। जुन शीर्ष स्थानको लिभरपुलभन्दा ११ अंकले कम हो। तथापी लिभरपुलले एक खेल कम खेलेको छ। दोस्रो स्थानमा रहेको लेस्टरको ३९ अंक छ। </p>
<p>“टोलीको प्रदर्शनबाट म खुशी छु। हामीले धेरै अवसर सिर्जना गर्यौं र साच्चिकै राम्रो फुटबल खेल्यौं”, जितपछि सिटीका प्रशिक्षक ग्वर्डिओलाले भने, “हामीसँगै भए देखी नै डी ब्रुयनाले उत्कृष्ट प्रदर्शन गर्दै आएका छन्। उनको लगनशीलता गज्जबको छ, उनी लडाकु हुन्।”</p>
<p>लेस्टरका प्रशिक्षक ब्रेन्डन रोजर्सले पनि खुलेर डी ब्रुयनाको प्रशंसा गरे। </p>
<p>“विपक्षीको क्षमतालाई हामीले सम्मान गर्नुपर्छ। प्रविधिक रुपमा उनीहरु अर्कै स्थानमा छन्”, लेस्टरका प्रशिक्षक रोजर्सले भने, “आज डी ब्रुयनाले विश्वस्तरीय प्रदर्शन गरे।”</p>
<p>५ पुसमै भएको प्रिमियर लिगमा साउथह्याम्पटनले एस्टन भिल्लालाई ३–१ ले पराजित गर्दा न्युक्यासल युनाइटेडले क्रिष्टल प्यालेसमाथि १–० को जित दर्ता गरेको छ। </p>
<p>उल्भरह्याम्पटनले नर्विच सिटीलाई २–१ ले हरायो। सेफिल्ड युनाइटेडले ब्राइटनलाई तथा बर्नलीले बर्नमाउथलाई समान १–० को नतिजामा पराजित गरेको छ। <br />
</p>
प्रतिक्रिया दिनुहोस्
.jpg)
