टस जितेको काठमाडौंले विराटनगरविरुद्ध ब्याटिङ गर्दै
<p>काठमाडौं। पोखरा प्रिमियर लिग (पीपीएल)मा काठमाडौं गोल्डेन्स वारियर्सले आज विराटनगर टाइटन्सविरुद्ध पहिले ब्याटिङ गर्दै छ। </p>
<p>काठमाडौंका कप्तान ज्ञानेन्द्र मल्लले पोखरा रंगशालाको क्रिकेट मैदानमा टस जितेर ब्याटिङ गर्ने निर्णय गरेका हुन्। </p>
<p>प्रतियोगितामा काठमाडौंको यो चौथो खेल हो। काठमाडौं यसअघिका तीनै खेलमा पनि पहिले ब्याटिङ गरेको थियो। पहिलो खेलमा पोखरा पल्टनसँग ९ विकेटले पराजित भएको काठमाडौं दोस्रो खेलमा बुटबल ब्लास्टरसँग सुपर ओभरमा पराजित भएको थियो। </p>
<p>पछिल्लो खेलमा कप्तान ज्ञानेन्द्रको शतकप्रेरित काठमाडौंले धानगढी ब्लुजलाई १ सय ६ रनले पराजित गरेको थियो। तीन खेलमा २ अंक जोडेको काठमाडौं तेस्रो स्थानमा छ भने बिराटनगर चौथो स्थानमा छ। </p>
<p>विराटनगरको यो तेस्रो खेल हो। यसअघि विराटनगर धनगढीसँग ५ रनले पराजित भएको थियो भने पोखरा पल्टनमाथि ४५ रनको विजय हासिल गरेको थियो। </p>
<p>प्ले अफमा स्थान बनाउनका लागि दुबै टोलीलाई जित्नै पर्ने दबाब छ। लिग चरणको शीर्ष टोली सिधै फाइलन पुग्छ भने दोस्रो र तेस्रो स्थानको टोलीले इलिमिनेटर खेल्नेछ।</p>
प्रतिक्रिया दिनुहोस्
.jpg)
