लिभरपुल क्लब विश्वकपको फाइनलमा
<p>काठमाडौं। मैदान प्रवेश गरेको पाँच मिनेट वित्न नपाउँदै रोबर्टो फिर्मिनोले गरेको गोलमा लिभरपुलले गएराति मेक्सिकोको क्लब मोन्टर्रेलाई २-१ ले हराएको छ। </p>
<p>योसँगै लिभरपुलले क्लब विश्वकपको फाइनलमा स्थान बनाएको छ। </p>
<p>ब्रजिलका फरवार्ड फिर्मिनोले ८५औं मिनेटमा डिभोक ओरिगीलाई प्रतिस्थापन गरेका थिए। मैदान छिरेको ५ मिनेट वित्न नपाउँदै फिर्मिनोले ट्रेन्ट एलेक्जेन्डर आर्नोन्डको क्रसलाई गोल गरे। </p>
<p>दोहाको खालिफा अन्तर्राष्ट्रिय रंगशालामा नाबी केइटाको गोलबाट लिभरपुलले १२औं मिनेटमा अग्रता लिएको थियो। </p>
<p>कैइटाले मोहम्मद सालाहको पासमा गोल गरेका थिए। त्यसको दुई मिनेट वित्न नपाउँदै रोगोलियो फुनेस मोरीले बराबरी गोल फर्काएका थिए। </p>
<p>लिभरपुलले २१ डिसेम्बरमा ब्रजिलको फ्लामेन्गोसँग उपाधिका लागि प्रतिस्पर्धा गर्नेछ। </p>
<p>लिभरपुलले क्लब विश्वकपको फाइनलमा स्थान बनाएको यो दोस्रो पटक हो। </p>
<p>यससँगै लिभरपुल क्लब विश्वकपमा दुई पटक फाइनलमा पुग्ने पहिलो इङ्लिस क्लब बनेको छ। </p>
<p>लिभरपुलका प्रशिक्षक योर्गान क्लोप सिनियर टोली लिएर कतार उडेका थिए। </p>
<p>लिभरपुलको अर्को टोलीले मंगलबार यु-२३ प्रशिक्षक नेइल क्रिचलेको प्रशिक्षणमा काराबाओ कपको क्वार्टरफाइनल खेल खेलेको थियो। </p>
<p>उक्त खेलमा लिभरपुल एस्टन भिल्लासँग ५-० ले पराजित भएको थियो। </p>
<p>एस्ट भिल्लाविरुद्ध लिभरपुलले अहिलेसम्मकै यूवा टोली उतारेको थियो। </p>
<p>लिभरपुल २००१ नोभेम्बरपछि लगातार दुई दिन दुई खेल खेल्ने पहिलो प्रिमियर लिग क्लब बनेको छ।</p>
<p>त्यसअघि म्यानचेस्टर युनाइटेड र आर्सनलले पनि लागातार दुई दिनमा दुई खेल खेलेका थिए।</p>
प्रतिक्रिया दिनुहोस्
.jpg)
