काराबाओ कपको सेमिफाइनलमा सिटी र युनाइटेड भिड्ने
<p>काठमाडौं। साविक विजेता म्यानचेस्टर सिटीले काराबाओ कपको सेमिफाइनलमा शहरी प्रतिद्वन्द्वी म्यानचेस्टर युनाइटेडविरुद्ध खेल्ने भएको छ। </p>
<p>गएराति युनाइटेडले कोलचेस्टरलाई ३-० ले पराजित गरेको थियो भने सिटीले अक्फोर्ड युनाइटेडबिरुद्ध ३-१ को नतिजा निकालेको छ।</p>
<p>सिटीको जितमा रहिम स्टर्लिङले दुई तथा जोओ कानसेलोले एक गोल गरे। </p>
<p>अक्फोर्डका म्याट टेलरले गोल गरेका थिए। </p>
<p>त्यस्तै म्यानचेस्टर युनाइटेडको जितमा मार्कुश रशफोर्ड र एन्थोनी मार्सियालले गोल गरे। </p>
<p>अर्को गोल रायन ज्याक्सनले आत्मघाती गोल उपहार दिएका थिए। </p>
<p>पेप ग्वार्डिओलाको सिटीले पछिल्लो दुई सिजन लगातार यस प्रतियोगिताको उपाधि जितेको थियो। </p>
<p>पछिल्लो ६ मध्ये ४ सिजन सिटीले उपाधि उचालेको छ। </p>
<p>७ डिसेम्बरमा सम्पन्न प्रिमियर लिगको खेलमा सिटी ओले गनर सोल्सायरको युनाइटेडसँग २-१ ले पराजित भएको थियो। </p>
<p>लिग कपमा सिटी र युनाइटेड पछिल्लो समय २०१६ मा आमनेसामने भएका थिए। चौथो चरणको उक्त खेलमा युनाइटेड १-० ले विजयी भएको थियो। </p>
<p>सेमिफाइनलमै भने सिटी र युनाइटेडले २०१० मा खेलेको थियो। </p>
<p>उक्त खेलमा पनि युनाइटेडले समग्रमा ४-३ को नतिजा निकालेको थियो। </p>
<p>युनाइटेडले यसपटक पहिलो लेग घरेलु मैदानमा खेल्नेछ। त्यस्तै लेस्टर सिटीले पनि पहिलो लेग घरेलु मैदानमै खेल्नेछ। </p>
<p>लेस्टरले एभर्टनलाई टाइब्रेकरमा ४-२ को नतिजा निकाल्दै अन्तिम चारमा स्थान पक्का गरेको थियो। </p>
<p>लेस्टर निर्धारित समय २-२ को बराबरी खेलेको थियो।</p>
प्रतिक्रिया दिनुहोस्
.jpg)
