शीर्ष स्थानको एथ्लेटिको मड्रिड गेटाफेसँग बराबरीमा रोकियो
काठमाडौं। स्पेनिस ला लिगा फुटबलको शीर्ष स्थानमा रहेको एथ्लेटिको मड्रिड गेटाफेसँग बराबरीमा रोकिएको छ ।
गएराति भएको खेलमा १० खेलाडीमा सीमित गेटाफेले शीर्ष स्थानको एथ्लेटिको मड्रिडलाई गोलरहित बराबरीमा रोकेको हो ।
यो बराबरीले एथ्लेटिकोले शीर्ष स्थानमा अंक दुरी बढाउने मौका गुमाएको छ ।
खेलको ७० औं मिनेटमा निओम सीधै रातो कार्ड पाएर मैदानबाट बाहिरिएपछि गेटाफे १० खेलाडीमा सीमित भएको थियो ।
एथ्लेटिको मड्रिडले गोलका केही राम्रा अवसर सिर्जना गरेपनि गोल गर्न सकेन । बराबरीपछि शीर्ष स्थानको एथ्लेटिको मड्रिडको २७ खेलबाट ६३ अंक भएको छ । दोस्रो स्थानमा रहेको रियल मड्रिडको ५७ अंक छ ।
बार्सिलोना २६ खेलबाट ५६ अंकसहित तेस्रो स्थानमा छ ।
प्रतिक्रिया दिनुहोस्
.jpg)
