लिभरपुलको जितमा सालाह नायक
<p>काठमाडाैं। मोहम्मद सालाहको दुई गोलमा लिभरपुलले आज रेलिगेशनबाट बच्न सघर्षरत वाटफोर्डमाथि २–० को नतिजा निकाल्दै इङ्लिस प्रिमियर लिगको शीर्ष स्थान ११ अंकको अग्रता बनाएको छ।</p>
<p>सालाहले ३८औं मिनेटमा लिभरपुललाई अग्रता दिलाएका थिए। सडियो मानेको पासमा सालाहले एक विपक्षी रक्षकलाई कटाएर हानेको प्रहारलाई वाटफोर्डका बेन फोस्टरले रोक्न सकेनन्।</p>
<p>५०औं मिनेटमा सडियो मानेले अग्रता दोब्बर बनाएका थिए। तर, भिडिओ सहायक रेफ्री (भिएआर)ले त्यसलाई अफसाइड घोषित गरिदिएको थियो। अन्तिम मिनेटमा सालाहले अर्को गोल थप्दै लिभरपुलको तीन अंक पक्का गरे।</p>
<p>सडियो मानेको क्रसमा डिभोग ओरिगीले हानेको बल बाहिरिन लागेको थियो। तर, ६ यार्डबक्सभित्र रहेका सालाहले चलाखी पूर्ण ढंगले उक्त बललाई पोष्टको दिशा दिए।</p>
<p>लिगमा १७ खेल सकिँदासम्म लिभरपुलले अपराजित यात्रालाई कायमै राखेको छ। वाटफोर्ड भने लिगको पुछारमा छ। ४९ अंक जोड्दै लिभरपुलले दोस्रो स्थानको लेस्टर सिटीलाई ११ अंकले पछि छाड्दा वाटफोर्ड भने ९ अंकका साथ पुछारमा छ। जुन रेलिगेशनमाथिको टोलीभन्दा १४ अंकले पछि हो।</p>
प्रतिक्रिया दिनुहोस्
.jpg)
