युनाइटेड फेरि बराबरीमा रोकियो, उपाधि होडमा कमजोर
<p style="text-align: justify;">काठमाडौं। म्यानचेस्टर युनाइटेडले गएराति इङ्लिस प्रिमियर लिगमा क्रिष्टल प्यालेससँग गोलरहित बराबरी खेलेको छ। बराबरीसँगै युनाइटेडले शीर्ष स्थानको म्यानचेस्टर सिटीसँग अंकदुरी घटाउने मौका गुमाएको छ। </p>
<p style="text-align: justify;">लिगमा अब ११ खेल बाँकी हुँदा युनाइटेड सिटीभन्दा १४ अंकले पछाडि छ। अब आइतबार सिटी र युनाइटेड आमनेसामने हुँदैछन्। </p>
<p style="text-align: justify;">लिगमा युनाइटेडको यो लगातार दोस्रो गोलरहित बराबरी हो। पछिल्लो दश खेलमा युनाइटेडले ६ खेल बराबरी खेलेको छ। </p>
<p style="text-align: justify;">युनाइटेड तीन खेलमा विजयी भएको छ भने एक खेलमा पराजित भएको छ। युनाइटेडले यसबीचमा युरोपा लिगमा रियाल सोसिडाडविरुद्ध पनि गोलरहित बराबरी खेलेको थियो।</p>
.jpg)
