युरोपा लिग: युनाइटेडको जितमा नायक बने १८ वर्षीय ग्रीनउड
<p>काठमाडौं। मेसन ग्रीनउडको दुई गोलप्रेरित म्यानचेस्टर युनाइटेडले गएराति युरोपा लिगमा ४-० ले प्रभावशाली विजय हासिल गरेको छ।</p>
<p>युनाईटेडले नेदरल्याण्डको क्लब एजेड अल्कमारलाई हराएको हो। </p>
<p>जितसँगै युनाईटेड समूह एलको विजेता बन्दै नकआउट चरणमा प्रवेश गरेको छ। </p>
<p>हारका बाबजुद अल्कमार पनि नकआउट चरणमा स्थान बनाउन सफल भयो। </p>
<p>शीर्ष स्थानको म्यानचेस्टर युनाईटेडले १३ अंक जोड्यो। </p>
<p>अल्कमारसमेत ९ अंकसहित दोस्रो स्थानमा रह्यो ।</p>
<p>युनाईटेडले ११ मिनेटको अन्तरालमा चार गोल गरेको हो। चारै गोल दोस्रो हाफमा सम्भव भएको थियो। </p>
<p>युनाईटेडले ५३औं मिनेटमा एस्ले योङको गोलबाट अग्रता लियो। योङले फेब्रुअरीपछि क्लबका लागि गोल गरेको यो पहिलो हो।</p>
<p>१८ बर्षे ग्रिनउडले ५८ औं मिनेटमा अग्रता दोब्बर बनाए। हुवाँ माटाले ६२औं मिनेटमा पेनाल्टीबाट तेस्रो गोल गरे। </p>
<p>स्पेनिसका मिडफिल्डर माटाको जारी सिजन यो पहिलो गोल हो । त्यसको दुई मिनेट बित्न नपाउदै ग्रिनउडले व्यक्तिगत दोस्रो गोल गर्दै युनाईटेडलाई सहज जित दिलाए।</p>
<p>सबैखाले प्रतियोगितामा युनाइटेडको यो तेस्रो जित हो। युनाइटेडले टोटेनह्याम र म्यानचेस्टर सिटीलाई पराजित गरेको थियो। </p>
<p>युरोपा लिगमा अर्को इङलिस क्लब उल्भरह्याम्पटनले बेसिकटासमाथी ४-० को नतिजा निकाल्यो।</p>
<p>उल्भरह्याम्पटन समूह 'के' बाट उपविजेता बन्दै अन्तिम ३२ मा स्थान बनायो। </p>
<p>चाँडो गरि भएको खेलमा आर्सनल स्ट्यान्डर्ड लिइजसँग २-२ को बराबरीमा रोकियो। </p>
<p>बराबरीका बाबजुद समूह 'एफ' बाट बिजेता बन्दै नक आउट चरणमा स्थान बनाउन सफल भयो।</p>
प्रतिक्रिया दिनुहोस्
.jpg)
