अपराजित रहदै पिएसजी नकआउट चरणमा
<p>काठमाडौं। च्याम्पियन्स लिगको अन्तिम १६ मा स्थान सुरक्षित गरिसकेको पेरिस सेन्ट जर्मेन (पिएसजी)ले अपराजित यात्रालाई कायमै राख्ने क्रममा गएराति गालातासारेविरुद्ध ५-० सहज नतिजा निकाल्यो। </p>
<p>माउरो इकार्डीको गोलबाट ३२औं मिनेटमा अग्रता लिएको पिएसजीले ३५औं मिनेटमा पाब्लो सरवियाको गोलमा अग्रता दोब्बर बनायो। </p>
<p>त्यसपपछि नेइमारले ४७, केलियन एमबाप्पेले ६३ र इडिसन काभानीले ८४औं मिनेटमा अर्को गोल थपेपछि फ्रेन्च लिग वान विजेता पिएसजीले सहज विजय हासिल गरेको हो। </p>
<p>जितसँगै समूह ‘ए’ मा अपराजित रहेको पिएसजीले शीर्ष स्थानमा रहदै अन्तिम १६ मा स्थान बनायो। </p>
<p>समूह ‘ए’बाट रियाल मड्रिड उपविजेता बन्दै अन्तिम १६ स्थान बनाउन सफल भयो। </p>
<p>६ खेलमा २ अंकमात्र जाडेको गालातासारे समूहको अन्तिममा रह्यो। </p>
<p>रियालले गएराति नै क्लब ब्रुगमाथि ३–१ को नतिजा निकाल्यो। </p>
<p>यसअघि नै अन्तिम १६ स्थान बनाइसकेको रियालको जितमा ब्राजिलका दुई युवा स्टार रोड्रिगो र भिनिसियस जुनियर तथा लुका मोड्रिचले गोल गरेका थिए।</p>
प्रतिक्रिया दिनुहोस्
.jpg)
