ट्वान्टी-२० शृंखलामा भारतको कब्जा
<p>काठमाडौं। ओपनर केएल राहुल शतकबाट ९ रनले चुकेको दिन भारतले गएराति वेस्ट इन्डजविरुद्धको तेस्रो ट्वान्टी-२० अन्तर्राष्ट्रिय क्रिकेट ६७ रनले जितेको छ। </p>
<p>राहुलले ५६ बलमा ९ चौका र ४ छक्कासहित ९१ रन बनाउँदा सेल्ड्रोन कोट्रेलको बलमा विकेटकिपर नीकोलस पूरनको हातबाट क्याच भएका थिए। </p>
<p>राहुलसँगै रोहित शर्माले ७१ तथा कप्तान विराट कोहलीले अविजित ७० रन बनाएपछि मुम्बईस्थित वाङ्खडे रंगशालामा टस हारेर ब्याटिङका लागि निम्याइएको भारतले निर्धारित २० ओभरमा ३ विकेट गुमाएर २ सय ४० रन बनाएको थियो।</p>
<p>२४१ रनको लक्ष्य पछ्याएको वेस्ट इन्डिजले ८ विकेट गुमाएर १७३ रन मात्र जोड्न सक्यो। </p>
<p>पाहुना टोली वेस्ट इन्डिजका किरण पोलार्डले ६८ तथा सिमरोन हेटमेयरले ४१ रन बनाउनुबाहेक अन्यले उल्लेख्य प्रदर्शन गर्न सकेनन्। </p>
<p>भारतका दीपक चहर, भुवनेश्वर कुमार, मोहम्मद शामी र कुलदीप यादवले समान २-२ विकेट लिए। </p>
<p>यससँगै तीन खेलको ट्वान्टी-२० अन्तर्राष्ट्रिय शृंखलामा भारत २-१ ले विजयी भएको छ। </p>
<p>भारतले पहिलो खेल ६ विकेटले जितेको थियो भने दोस्रो खेलमा वेस्ट इन्डिज ८ विकेटले विजयी भएको थियो।</p>
प्रतिक्रिया दिनुहोस्
.jpg)
