एपीएफको फराकिलो जितमा सावित्राको आठ गोल
<p>काठमाडौं। सावित्रा भण्डारीको उत्कृष्ट प्रदर्शनमा एपीएफले आज राष्ट्रिय महिला लिगमा उदयपुरको चौदण्डीगढीलाई १४–० ले पराजित गरेको छ। </p>
<p>एपीएफको फराकिलो जितमा सावित्रा एक्लैले आठ गोल गरिन्। चौथो मिनेटमा सावित्राले गरेको गोलबाट एपीएफले अग्रता लिएको थियो। </p>
<p>सातदोबाटोस्थित एन्फा मुख्यालयको मैदानमा १८औ मिनेटमा अग्रता दोब्बर बनाएकी सावित्राले ३६औं मिनेटमा ह्याट्रिक गरिन्। </p>
<p>खेलको ४३औं मिनेटमा व्यक्तिगत चौथो र ५३औं मिनेटमा पाँचौं गोल गरेकी सावित्राले ५६औं मिनेट दोहोरो ह्याट्रिक गरिन्। सावित्राले ७२ र ८७औं मिनेटमा थप गोल गरिन् । </p>
<p>सावित्रा बाहेक अनिता केसी र अनिता बस्नेतले समान दुई गोल गरे। कप्तान अनु लामा र रविना गोलेले पनि एक–एक गोल थपे। अनिता केसीले २४ र, ४०औं मिनेटमा गोल गरेकी थिइन्। </p>
<p>अनिता बस्नेतले ४६ र ६४औं मिनेट गोल गरेकी थिइन्। अनु लामाले ७५औं मिनेटमा गोल गरेकी थिइन् भने रविना गोलेले ७९औं मिनेटमा गोल गरेकी थिइन्। </p>
<p>जारी लिगमा एपीएफ शतप्रतिशत नतिजा निकाल्ने एक्लो टिम हो। एपीएफको यो सातौं जित हो। एपीएफले ७ खेलमा २१ अंक जोडेको छ। </p>
<p>पहिलो चरणमा एपीएफले चौदण्डीगढीलाई २२–० ले पराजित गरेको थियो। चौदण्डीको यो लगातार आठाैं हार हो। लिगको पुछारमा रहेको चौदण्डीगढी अंकबिहीन छ। <br />
</p>
प्रतिक्रिया दिनुहोस्
.jpg)
