आर्मीविरुद्ध एपीएफले पहिले ब्याटिङ गर्ने
<p>काठमाडौं। सशत्र प्रहरी बल (एपीएफ) ले आज प्रधानमन्त्री कप पुरुष राष्ट्रिय क्रिकेट प्रतियोगितामा त्रिभुवन आर्मीविरुद्ध पहिलो ब्याटिङ गर्ने भएको छ। </p>
<p>कीर्तिपुरस्थित त्रिवि क्रिकेट मैदानमा त्रिभुवन आर्मी क्लबका कप्तान विनोद भण्डारीले टस जितेर बलिङ गर्ने निर्णय गरेपछि एपीएफले पहिलो ब्याटिङ गर्ने भएको हो। </p>
<p>समूह ‘ए’ मा रहेका एपीएफ र त्रिभुवन आर्मी क्लबले प्रतियोगिताको अन्तिम चारमा स्थान बनाइसकेका छन्। तर समूह विजेता र उपविजेताको टुंगो भने आजको नतिजाबाट लाग्नेछ। </p>
<p>अहिले दुबै टिमको समान ६ अंक भए पनि रनरेटका आधरमा एपीएफ समूह ‘ए’ को शीर्ष स्थानमा छ। समूह ‘ए’बाट प्रदेश एक, कर्णाली र गण्डकी प्रदेश भने प्रतियोगिताबाट बाहिरिसकेका छन्। </p>
<p>आजै मुलपानी क्रिकेट मैदानमा समूह ‘बी’ को नेपाल पुलिस क्लब र प्रदेश दुईले प्रतिस्पर्धा गर्नेछन्। </p>
प्रतिक्रिया दिनुहोस्
.jpg)
