साविक विजेता आर्सनल एफए कपबाट बाहिरियो
<p>काठमाडौं। साबिक विजेता आर्सनल गएराति साउथह्याम्पटनसँग पराजित भएपछि एफए कपको चौथो चरणबाट बाहिरिएको छ। </p>
<p>आर्सनललाई साउथह्याम्पटनले १–० को नतिजामा हराएको हो। सुरुबाटै आक्रामक बनेको साउथह्याम्पटनले २४औंं मिनेटमा अग्रता लिएको थियो। </p>
<p>साउथह्याम्पटनको जितमा गाब्रियलले गरेको आत्मघाती गोल निर्णायक बन्यो। काइल वाल्कर–पिटर्सको क्रसलाई क्लियर गर्ने क्रममा आर्सनलका गाब्रियलले आफ्नै पोष्टमा गोल गरेका थिए। </p>
<p>आर्सलले सबैखाले खेलमा गरी पाँच सय आठ मिनेटपछि पहिलो गोल खाएको हो। त्यही गोलले आर्सनल एफए कपबाट बाहिरियो। यसअघि आर्सनल ६ खेलमा अपराजित रहेको थियो। </p>
<p>साउथह्याम्पटनले अब पाँचौं चरणमा प्रिमियर लिगकै अर्को उल्भरह्याम्पटनविरुद्ध प्रतिस्पर्धा गर्नेछ। उल्भरह्याम्पटनले चोर्लेलाई १–० ले पराजित गर्दै पाँचौं चरणमा स्थान पक्का गरेको थियो। </p>
<p>जारी सिजन लय समाएन संघर्ष गरिरहेको आर्सनल प्रिमियर लिगको ११औं स्थानमा छ। आर्सनलले १९ खेलबाट २७ अंक जोडेको छ। जुन शीर्ष स्थानको म्यानचेस्टर युनाइटेडको भन्दा १३ अंकले पछाडी हो। <br />
</p>
प्रतिक्रिया दिनुहोस्
.jpg)
