कर्णालीलाई प्रदेश १ ले दियो दुई सय १६ रनको लक्ष्य
<p>काठमाडौं। सिद्धान्त लोहनीको अर्धशतकप्रेरित प्रदेश १ ले कर्णाली प्रदेशलाई जितका लागि दुई सय १६ रनको लक्ष्य पेस गरेको छ। </p>
<p>कीर्तिपुरस्थित त्रिवि क्रिकेट मैदानमा सिद्धान्तले ६६ रन बनाएपछि टस जितेर ब्याटिङ गरेको प्रदेश १ ले निर्धारित ५० ओभरमा नौ विकेट गुमाएर दुई सय १५ रन बनाएको हो।<br />
<br />
प्रधानमन्त्री कप पुरुष राष्ट्रिय क्रिकेट प्रतियोगिताको समूह ‘ए’ मा रहेको प्रदेश १ का सिद्धान्तले ९७ बलमा नौ चौकासहित ६६ रन बनाएका हुन्। उनले फिरदोष अन्सारीसँग पाँचौं विकेटका लागि ७३ तथा शुभाङ्‍कर उराओसँग छैटौं विकेटका लागि ३२ रनको साझेदारी गरेका थिए।</p>
<p>प्रदेश १ का सिद्धान्तबाहेक शुभाङ्‍करले ३६, मनिष थापाले २५ तथा सर्वन यादव र फिरदोषले समान १७ रन बनाए। राजन मगरले १० रन बनाए।<br />
<br />
कर्णालीका रविन्द्र शाहीले तीन विकेट लिए। दिनेश अधिकारी र अनुज चुनाराले समान दुई विकेट लिँदा दिवान पुन र राज शाहको नाममा एक/एक विकेट रह्यो।</p>
प्रतिक्रिया दिनुहोस्
.jpg)
