ह्याट्रिकमा मेसीको कीर्तिमान, बार्सिलोना शीर्ष स्थानमा
<p>काठमाडौं। छैटौं पटक बालोन डी’अर अवार्ड जितेका लियोनल मेसीले गयराति ह्याट्रिक गर्दै समर्थकसँग खुशी साटेका छन्। </p>
<p>मेसीको ह्याट्रिकप्रेरित बार्सिलोना मालोर्कालाई ५-२ ले हराउँदै स्पानिस ला लिगाको शीर्ष स्थानमा उक्लिएको छ। </p>
<p>बार्सिलोनाले एन्टोइन ग्रिजम्यानको गोलबाट सातौं मिनेटमै अग्रता लिएको थियो।</p>
<p>त्यसको दश मिनेट वित्न नपाउँदै मेसीले अग्रता दोब्बर बनाए।</p>
<p>४१औं मिनेटमा व्यक्तिगत दोस्रो गोल गरेका मेसीले खेल सकिन ७ मिनेट बाँकी छँदा ह्याट्रिक पुरा गरे। </p>
<p>बार्सिलोनाका लागि अर्को लुइस स्वारेजले ४३औं मिनेटमा गरेका थिए। </p>
<p>मालोर्काका लागि दुबै गोल एन्टे बुडिमिरले ३५ र ६४औं मिनेटमा गरेका थिए। </p>
<p>खेल शुरु हुनुअघि मेसीले घरेलु मैदान नोउ क्याम्पमा उत्कृष्‍ट बर्ष खेलाडी अवार्ड बालोन डी’अर प्रदर्शन गर्दै समर्थकसँग खुशी साटेका थिए। </p>
<p>उनले ला लिगामा ३५ औं ह्याट्रिक गर्दै खेलको अन्य गरे। यससँगै उनले क्रिष्टियानो रोनाल्डोको कीर्तिमान तोडेका छन्। रोनाल्डो ला लिगामा ३४ ह्याट्रिक गरेका थिए। </p>
<p>जितसँगै बार्सिलोना लिगमा शीर्ष स्थानमा उक्लिएको छ। १५ खेलमा समान ३४ अंक भए पनि बार्सिलोनाले रियाल मड्रिडलाई गोलअन्तरमा पछि पारेको हो।</p>
<p>रियाल दोस्रो स्थानमा रहँदा सेभिया ३० अंकका साथ तेस्रो स्थानमा छ।</p>
प्रतिक्रिया दिनुहोस्
.jpg)
