प्रिमियर लिगमा आज म्यानचेस्टर डर्बी भिडन्त
<p>काठमाडाैं। इङ्लिस प्रिमियर लिगमा आज म्यानचेस्टरका दुई प्रतिद्वन्द्वी क्लब सिटी र युनाइटेड भिड्दैछन्।</p>
<p>सिटीको घरेलु मैदान इतिहाद स्टेडियममा राति सवा ११ बजे यो खेल हुनेछ।</p>
<p>जारी सिजनको १६औं यो खेल खेलिरहँदा डिफेन्डिङ च्याम्पियन म्यानचेस्टर सिटी उपाधि रक्षाको सम्भावना जीवित बनाइराख्न शतप्रतिशत नतीजाका लागि प्रयासरत हुनेछ।</p>
<p>लिग तालिकामा ३२ अंकसहित तेस्रो स्थानमा रहेको सिटी लिग लिडर लिभरपुलभन्दा ११ अंक पछाडि छ।</p>
<p>युनाइटेड भने २१ अंकका साथ छैटौं स्थानमा छ।</p>
<p>आजै शीर्षस्थानमा रहेको लिभरपुलले पौने नौ बजे बर्नमाउथको घरेलु मैदानमा खेल्नेछ।</p>
<p>चौथो स्थानको चेल्सीले भने सवा ६ बजे एभर्टनविरुद्ध गुडसन पार्कमा खेल्दैछ।</p>
प्रतिक्रिया दिनुहोस्
.jpg)
