नेपाल ओपन अन्तर्राष्ट्रिय भर्चुअल तेक्वान्दो च्याम्पियनसिप माघ दोस्रो साता
<p>काठमाडौं। नेपाल ओपन अन्तर्राष्ट्रिय भर्चुअल पुम्से तथा हाई स्पिड किक तेक्वान्दो च्याम्पियनसिप माघ दोस्रो साता हुने भएको छ। </p>
<p>कोटेश्वर तेक्वान्दो डोजाङ, स्युचार तेक्वान्दो डोजाङ, मुलपानी तेक्वान्दो डोजाङ, बाल गीताञ्जली स्कुल, मर्निङ ग्लोरी स्कुल र काभ्रेस्थली तेक्वान्दो डोजाङले संयुक्त रुपमा आयोजना गरेको भर्चुअल प्रतियोगितामा पुम्सेतर्फ ६० र हाई स्पिड किकमा ३० गरी जम्मा ९० स्पर्धामा प्रतिस्पर्धा हुनेछ। </p>
<p>माघको १३ र १४ गते हुने प्रतियोगितामा २९ देशका एक हजार तीन सय खेलाडीको सहभागिता रहने आयोजकहरुले जनाएका छन्। </p>
<p>पुम्सेतर्फ महिला र पुरुष गरी किङ्समा समान पाँच, पीबीमा समान पाँच, सब जुनियरमा समान पाँच, क्याडेटमा समान पाँच, जुनियरमा समान पाँच सियनरमा एक÷एक र यु-४० मा यु-५० मा एक÷एक, यु-६० मा एक÷एक र ६० वर्ष उमेरसमूहमाथि एक÷एक गरी जम्मा ६० स्पर्धामा प्रतिस्पर्धा हुनेछ। </p>
<p>त्यस्तै हाई स्पिड किकमा पुरुष र महिला क्याडेटमा समान पाँच, जुयिनरमा समान पाँच, सिनियरतर्फ समान पाँच गरी जम्मा ३० स्पर्धामा प्रतिस्पर्धा हुनेछ। </p>
<p>प्रतियोगितामा इरान, सिरिया र रुवान्डामा रहेका अनाथ बालबालिका तथा हिंसाबाट पिडित शरणार्थीलाई निशुल्क सहभागिता गराइने आयोजकले जनाए। </p>
<p>प्रतियोगिताको उत्कृष्ट महिला र पुरुष खेलाडीले समान एक सय अमेरिकी डलर पुरस्कार जित्नेछन्। मोस्ट पपुलर खेलाडीले १५० अमेरिकी डलर पुरस्कार जित्नेछन्। मोस्ट पपुलर भने युट्युबमा सर्वाधिक हेरिएको आधारमा छनोट गरिनेछ। </p>
प्रतिक्रिया दिनुहोस्
.jpg)
