चेल्सीको प्रतिबन्ध फुक्यो
<p>काठमाडाैं। इङ्लिस प्रिमियर लिगको क्लब चेल्सीले आगामी जनवरीबाट खेलाडी अनुबन्ध गर्न पाउने भएको छ।</p>
<p>फुटबलको सर्वोच्च निकाय फिफाले खेलाडी स्थानान्तरणमा लगाएको प्रतिबन्ध कोर्ट अफ आर्बिट्रेसन फर स्पोर्ट (कास)ले हटाइदिएपछि चेल्सीले खेलाडी अनुबन्ध गर्न पाउने भएको हो। </p>
<p>उमेर नपुगेको खेलाडी अनुबन्ध गरेपछि फिफाले नियम उल्लङ्घन गरेको भन्दै गत फेब्रुअरीमा चेल्सीलाई दुई सिजनका लागि प्रतिबन्ध लगाइदिएको थियो।</p>
<p>प्रतिबन्धका कारण चेल्सीले गत ट्रान्सफर विन्डोमा खेलाडी अनुबन्ध गर्न पाएको थिएन।</p>
<p>कासले लन्डन क्लब चेल्सीको जरिवाना पनि घटाइदिएको छ। ६ लाख स्विस फ्रांकबाट ३ लाख स्विस फ्रांकमा झरिदिएको छ।</p>
<p>पूर्वखेलाडी फ्रांक लामपार्डको प्रशिक्षणमा रहेको चेल्सी अहिले २९ अंकका साथ लिगको चौथो स्थानमा छ।</p>
<p>जुन शीर्ष क्लब लिभरपुलभन्दा १४ अंकले कम हो भने पाँचौं स्थानको उल्भरह्याम्पटनभन्दा ६ अंकले माथि हो।</p>
प्रतिक्रिया दिनुहोस्
.jpg)
