पिएसजीका मुख्य प्रशिक्षक टचेल बर्खास्त
<p>काठमाडौं। फ्रान्सेली लिग वान च्याम्पियन पेरिस सेन्ट जर्मन (पिएसजी)ले मुख्य प्रशिक्षक थोमस टचेललाई बर्खास्त गरेको छ। </p>
<p>टचेलले क्रिस्मसको अघिल्लो दिन नै टिम छोडिसकेको बताइएको छ। तर पिएसजीले मंगलबार बिहानमात्र मुख्य प्रशिक्षकलाई बर्खास्त गरेको समाचार पुष्टी गरेको थियो।</p>
<p>पिएसजीले मंगलबार बिहान एक विज्ञप्ति जारी गर्दै टचेलसँगको सहकार्य अन्त्य भएको घोषणा गरेको थियो। टोलीले खेकलुदीय अवस्थाको बारेमा गम्भीर विश्लेषण पश्चात टचेललाई बर्खास्त गरेको जनाएको छ।</p>
<p>बोरुसिया डर्टमण्डका पूर्व प्रशिक्षक टचेलले पिएसजीमा तेस्रो सिजन बिताइरहेका थिए। उनको नेतृत्वमा टोलीले लगातार दुई पटक फ्रान्सेली लिग वानको उपाधि जित्नुका साथै गत सिजन च्याम्पियन्स लिगको फाइनल यात्रा गरेको थियो। </p>
<p>अघिल्ला दुई सिजन सफल रहे पनि जारी सिजनमा सोचेजस्तो सुरुआत गर्न नसकेपछि उनलाई बर्खास्त गरिएको हो। माउरिसियो पोचेटिन्होले टचेललाई स्थानान्तरण गर्ने अपेक्षा गरिएको छ।</p>
<p> <br />
</p>
प्रतिक्रिया दिनुहोस्
.jpg)
