पाकिस्तानको मुख्य छनोटकर्तामा वासिम नियुक्त
<p>काठमाडौं। पाकिस्तानका पूर्व क्रिकेटर मोहम्मद वासिमलाई राष्ट्रिय पुरुष टिम छनोट कमिटीको प्रमूखमा नियुक्त गरिएको छ। </p>
<p>२०२३ को विश्वकपसम्मका लागि नियुक्त गरिएका वासिमले मिसबाह उल हकलाई स्थानान्तरण गर्नेछन्। बिहीबार र शुक्रबार अनलाइन माध्यमबाट लिइएको अन्तरवार्तापछि पाकिस्तान क्रिकेट बोर्ड (पिसिबी)का अध्यक्ष इशान मणीले वासिमलाई नियुक्त गरेका हुन्।</p>
<p>मिसबाहको कार्यकालमा छनोट कमिटी सदस्यका रुपमा अनुभव लिएका वासिमले दक्षिण अफ्रिकाविरुद्ध मध्य जनवरीमा सुरु हुने दुई टेस्ट र तीन ट्वान्टी-२० अन्तर्राष्ट्रियको शृंखलाका लागि टिम छान्दै जिम्मेवारीको सुरुआत गर्नेछन्।</p>
<p>वासिमले पाकिस्तानका लागि १९९६ देखि २००० को बीचमा १८ टेस्ट र २५ एकदिवसीय अन्तर्राष्ट्रिय खेल खेलेका थिए। </p>
<p>“मैले विश्वका केही उत्कृष्ट खेलाडीहरुसँग खेल्ने मौका पाएको थिएँ। त्यसका लागि म आफूलाई भाग्यशाली मान्दछु। उनीहरुबाट सिकेका कुरालाई अहिले पाएको चुनौतीपूर्ण जिम्मेवारीमा प्रयोग गर्न सक्नेमा म विश्वस्त छु,” मुख्य छनोटकर्ताका रुपमा नियुक्त भएपछि वासिमले भने, “मलाई यस्तो महत्वपूर्ण जिम्मेवारी दिने निर्णय गरेकोमा पिसिबीलाई धन्यवाद दिन चाहन्छु।”<br />
</p>
प्रतिक्रिया दिनुहोस्
.jpg)
