सालाह रियाल वा बार्सिलोना जान सक्ने !
<p>काठमाडौं। लिभरपुलका स्टार मोहम्मद सालाहले स्पेनिस ला लिगाको च्याम्पियन रियाल मड्रिड वा बार्सिलोना सरुवा हुने सम्भावना नकार्न नमिल्ने बताएका छन्।</p>
<p>२०१७ मा एएस रोमाबाट लिभरपुल आएयता सालाहको प्रदर्शन प्रत्येक सिजन सनसनीपूर्ण रहँदै आएको छ। लिभरपुललाई च्याम्पियन्स लिग र इङलिस प्रिमियर लिगको उपाधि जिताउन सालाहको भूमिका महत्वपूर्ण थियो।</p>
<p>इजिप्टका अन्तर्राष्ट्रिय खेलाडी सालाह लिभरपुलमा पूर्ण रुपमा स्थापित भए पनि पछिल्लो समय उनलाई रियाल र बार्सिलोनाले आँखा लगाइरहेको चर्चा छ। </p>
<p>स्पेनिस ला लिगामा सरुवा हुने चर्चाको विषयमा सोधिएको प्रश्नमा सालाहले भने, “मेरो विचारमा रियाल मड्रिड र बार्सिलोना दुई ठूला क्लब हुन्। भविश्यमा के हुन्छ भनेर कसैले पनि भन्न सक्दैन। त्यसैले कुनै पनि सम्भावनालाई नकार्न मिल्दैन। तत्कालका लागि म लिभरपुलबाट फेरी प्रिमियर लिग र च्याम्पियन्स लिग जित्ने विषयमा केन्द्रित छु।”</p>
<p>सालाहले लिभरपुलमा कति समयसम्म बस्ने भन्ने विषयमा तत्काल उत्तर दिन निक्कै कठिन हुने बताए। लिभरपुलमा सबैखाले कीर्तिमान तोड्ने लक्ष्य रहेको बताउँदै उनले भने, “तर मेरो हातमामात्र सबथोक छैन। क्लब र भविश्यको हातमा धेरै कुरा छ।”<br />
</p>
प्रतिक्रिया दिनुहोस्
.jpg)
