वायन रुनीका छोरा पनि युनाइटेडमा आबद्ध
<p>काठमाडौं। इङ्ल्यान्डका पूर्व फरवार्ड वायन रुनीका छोरा म्यानचेस्टर युनाइटेडमा आबद्ध भएका छन्।</p>
<p>काई रुनीले बुबाकै पदचाप पछ्याउँदै युनाइटेडमा अनुबन्ध भएका छन्। </p>
<p>रुनीले ओल्ड ट्राफोर्डको क्लबसँग सम्झाैता गरेका ११ वर्षे छोरा काई र श्रीमतीको फोटो समाजिक सञ्जालमा राखेका छन्। </p>
<p>रुनीले २००४ देखि २०१७ सम्म युनाइटेडबाट खेलेका थिए।</p>
<p>उनले सामाजिक सञ्जाल इन्स्टाग्राममा लेखेका छन्, ‘‘गर्वको क्षण। काई म्यानचेस्टर युनाइटेडसँग आवद्ध भएका छन्। कडा मिहिनेत जारी राख्नू।’’</p>
<p>रुनीले इन्स्टाग्रामा राखेको तस्वीरमा रुनी लेखिएको १० नम्बरको जर्सी छ। रुनीले युनाइटेडबाट खेल्दा पनि १० नम्बरकै जर्सी लगाउँथे। </p>
<p>युनाइटेडबाट सबभन्दा धेरै गोल गर्ने कीर्तिमान रुनीको नाममा छ। रुनीले ५५९ खेलमा २५३ गोल गरेका थिए। </p>
प्रतिक्रिया दिनुहोस्
.jpg)
