मेसीले छैटौं पटक जिते बालोन डी’ओर अवार्ड
<p><br />
काठमाडौं। बार्सिलोनाका फरवार्ड लियोनल मेसीले छैटौं पटक बालोन डी’ओर अवार्ड जितेका छन्।</p>
<p>गत सिजन क्लब र देशका लागि ५४ गोल गरेका अर्जेन्टिनाका ३२ वर्षे मेसी २०१५ पछि पहिलो पटक यो अवार्ड जित्न सफल भएका हुन्।</p>
<p>मेसीले बार्सिलोनालाई ला लिगाको उपाधि पनि दिलाएका थिए। </p>
<p>लिभरपुलका भर्जिल भान डाइक दोस्रो स्थानमा रहे। शीर्ष १० मा लिभरपुलका चार खेलाडी थिए।</p>
<p>मतदानबाट प्राप्त नतिजामा युभेन्टस तथा पोर्चुगलका फरवार्ड क्रिस्टियानो रोनाल्डो तेस्रो स्थानमा रहे। </p>
<p>६ पटक बालोन डी’ओर अवार्ड जित्ने मेसी पहिलो खेलाडी हुन्।</p>
<p>मेसीले यसअघि २००९, २०१०, २०११, २०१२ र २०१५ मा यो अवार्ड जितेका थिए। मेसीपछि रोनाल्डोले सबभन्दा धेरै ५ पटक बालोन डी’ओर अवार्ड जितेका छन्।</p>
<p>एक दशकसम्मको मेसी र रोनाल्डोको दबदबालाई चिर्दै गत वर्ष लुका मोड्रिचले बालोन डी’ओर अवार्ड जितेका थिए। यस पटक यो उपाधि पुनः मेसीले हात पारेका छन्।</p>
<p><img alt="" height="641" src="https://www.dekhapadhi.com/storage/photos/shares/Sports/messi ballon dor award 1.jpg" width="960" /><br />
<br />
"आज मैले छैटौं पटक यो अवार्ड जित्न सफल भए। आजको यो क्षण पूर्ण रुपमा फरक छ। आज मेरो परिवार र बच्चाहरु पनि मसँगै छन्," मेसीले भने, "मेरी श्रीमतीले सधै भन्ने गर्थिन्– सपना देख्न कहिल्यै छाड्नु हुँदैन तर सँधै काम सुधार गर्नुपर्छ र आफ्नो कर्ममा रमाउनुपर्छ। म धेरै भाग्यमानी छु, लामो समयसम्म म भाग्यमानी रहेँ। सन्यास लिने बेला मलाई गाह्रो हुनेछ।" </p>
<p>महिला तर्फको अवार्ड अमेरिकी खेलाडी मेगन रापोनीले जितिन्। रापोनी अमेरिकाले लगातार विश्वकपको उपाधि जित्दा रापोनीले गोल्डेन बल जितेकी थिइन्। </p>
<p>लिभरपुलका एलिसन बेकरले उत्कृष्ट गोलकिपर अवार्ड जिते। विश्वभरका कप्तान, प्रशिक्षक तथा खेल पत्रकारहरुको मतको आधारमा यस अवार्ड प्रदान गरिन्छ ।<br />
</p>
प्रतिक्रिया दिनुहोस्
.jpg)
