केकेआरका बलर बरुण चक्रवर्तीले नेहासँग गरे बिवाह
<p>एजेन्सी। कोलकाता नाइट राइडर्स (केकेआर)का स्टार बलर बरुण चक्रवर्तीले प्रेमिका नेहा खेदेकरसँग बिवाह गरेका छन्।</p>
<p>लामो समयदेखि प्रेम सम्बन्धमा रहेका वरुण र नेहाबीच बिवाह यो वर्षको सुरुआतमै गर्ने तय थियो। तर कोरोना भाइरसको महामारीका कारण रोकिएको बिवाह अहिले गरिएको वरुणको पारिवारिक स्रोतलाई उध्द्रृत गर्दै भारतीय सञ्चार माध्यमले जनाएका छन्।</p>
<p>इन्डियन प्रिमियर लिग (आइपिएल)को टोली केकेआरले वरुणको बिवाहको भिडिओ आफ्नो इन्स्टाग्राम पेजमा सेयर गरेको छ। भिडिओमा वरुण र नेहा स्टेजमा क्रिकेट खेलिरहेको देखिन्छ। </p>
<p>हाल अस्ट्रेलिया भ्रमणमा रहेको भारतीय राष्ट्रिय टोलीले ट्वान्टी-२० शृंखलाका लागि वरुणलाई समावेश गरेको थियो। तर चोटका कारण वरुण अस्ट्रेलिया भ्रमणमा जान सकेका थिएनन्। यही मौका छोपेर वरुण र नेहाले चेन्नईमा आफ्ना परिवार तथा नातेदारको उपस्थितीमा परम्परागत बिवाह गरेका हुन्। <br />
</p>
प्रतिक्रिया दिनुहोस्
.jpg)
