लिभरपुलका फाबिन्हो अर्को वर्षसम्म मैदान बाहिर
<p>काठमाडौं। लिभरपुलका मिडफिल्डर फाबिन्हो चोटका कारण अर्को वर्षसम्म मैदान बाहिर रहने भएका छन्।</p>
<p>च्याम्पियन्स लिगअन्तर्गत नेपोलीविरुद्धको खेलमा फाबिन्होको कुर्कुच्चामा चोट लागेको थियो।</p>
<p>११ मंसीर राति समूह चरणको खेलमा ब्राजिलका मिडफिल्डर फाबिन्होले १९ मिनेटमै मैदान छाडेका थिए।</p>
<p>घरेलु मैदान एनफिल्डमा सम्पन्न उक्त खेलमा लिभरपुल १–१ को बराबरीमा रोकिएको थियो।</p>
<p>लिभरपुलले २६ वर्षे फाबिन्होको कुर्कुच्चाको लिगामेन्टमा चोट लागेको जनाएको छ।</p>
<p>“उनीजस्तो प्रतिभावान खेलाडी गुमाउनु दुखद् कुरा हो,” लिभरपुलका प्रशिक्षक योर्गान क्लोपले भने, “क्रिसमसमा हुने खेलमा उनी उपलब्ध हुने छैनन्।”</p>
<p>च्याम्पियन्स लिग, प्रिमियर लिग, काराबाओ कप र क्लब विश्वकप गरी लिभरपुलले अबको ३४ दिनमा ११ खेल खेल्नेछ।</p>
<p>फाबिन्हो यस सिजन लिगको १३ मध्ये १२ खेल र च्याम्पियन्स लिगको पाँचै खेलमा पहिलो रोजाइमा पर्न सफल भए।</p>
<p> </p>
प्रतिक्रिया दिनुहोस्
.jpg)
