न्युजिल्यान्डको मध्यम शुरूआत
<p>काठमाडाैं। टोम लाथमले शतक बनाएपछि न्युजिल्यान्डले इङ्ल्यान्डविरुद्ध दोस्रो टेस्टको पहिलो दिन आज राम्रो शुरूआत गरेको छ।</p>
<p>न्युजिल्यान्डले पहिलो दिन सकिँदा तीन विकेट गुमाएर १७३ रन बनाएको छ।</p>
<p>ह्यामिल्टनस्थित सेडन पार्कमा टस हारेर ब्याटिङ थालेको न्युजिल्यान्डले शुरूमै दुई विकेट गुमाएको थियो।</p>
<p>ओपनर जीत राभल चार र कप्तान केन विलियम्सन चार रन बनाएर पवेलियन फर्किएका थिए।</p>
<p>त्यसपछि रोस टेलर र लाथमले न्युजिल्यान्डको इनिङ उकासेका थिए।</p>
<p>दुई ब्याट्सम्यानले तेस्रो विकेटका लागि ११६ रनको साझेदारी गरे।</p>
<p>टेलर आठ चौकासहित ५३ रन बनाएर आउट भए।</p>
<p>पहिलो दिन सकिँदा लाथम अविजित १०१ र हेनरी निकोल्स पाँच रन बनाएर खेलिरहेका छन्।</p>
<p>विलियम्सन र टेलरलाई क्रिस वोक्सले जो रुटमार्फत् क्याच गरेका थिए।</p>
<p>राभललाई भने स्टुवार्ट ब्रोडले रुटकै हातबाट क्याच गरेका थिए।</p>
<p>यसअघि पहिलो टेस्ट न्युजिल्यान्डले एक इनिङ र ६५ रनले जितेको थियो।</p>
<p>टेस्ट अघि पाँच खेलको ट्वान्टी–२० अन्तर्राष्ट्रिय शृंखलामा इङ्ल्यान्ड ३–२ ले विजयी भएको थियो।</p>
प्रतिक्रिया दिनुहोस्
.jpg)
