नेपोलीसँग बराबरीमा रोकियो साविक विजेता लिभरपुल
<p>काठमाडौं। इटालियन क्लब नेपोलीसँग बराबरीमा रोकिएपछि साविक विजेता लिभरपुलले च्याम्पियन्स लिगको नकआउट चरणमा स्थान बनाउन समूह चरणको अन्तिम खेलमा कम्तिमा १ अंक लिनु पर्ने भएको छ। </p>
<p>इङ्लिस प्रिमियर लिग क्लब लिभरपुलले जितेको भए समूह विजेता बन्दै समूह ‘ई’ बाट अन्तिम १६ मा स्थान बनाउने थियो। </p>
<p>तर, घरेलु मैदान एनफिल्डमै १-१ को बराबरी खेलेपछि लिभरपुलले अन्तिम खेलमा अस्ट्रियाको क्लब साल्जबर्गसँग कम्तिमा पनि बराबरी गर्नुपर्ने दवाब थपिएको छ।</p>
<p>पाँच खेलबाट लिभरपुल १० अंकका साथ शीर्ष स्थानमा छ। दोस्रो स्थानको नेपोलीले ९ अंक जोडेको छ। </p>
<p>तेस्रो स्थानमा रहेको साल्जबर्गको ७ अंक छ। समूहको अन्तिम खेल साल्जबर्गले जिते १० अंक हुनेछ र गोलअन्तरमा लिभरपुल पछि पर्नेछ। </p>
<p>एनफिल्डमा भ्रमणकारी टोलीका द्रिइस मार्टिनेजले २१औं मिनेटमा अग्रता दिएका थिए।</p>
<p>उनले जियोभानी डी लोरेन्जोको पासमा गोल गरेका थिए। डेजान लोभरेनले ६५औं मिनेटमा गोल गरेपछि लिभरपुलले हार टारेको थियो। </p>
<p>च्याम्पियन्स लिगको पछिल्लो १६ खेलमा अपराजित लिभरपुल ११ मा जित र ५ खेलमा बराबरी छ। </p>
<p>११ मंसीरमै बेल्जियम भ्रमणमा निस्किएको साल्जबर्गले गेन्कलाई ४–१ ले पराजित गरेको थियो। <br />
</p>
प्रतिक्रिया दिनुहोस्
.jpg)
