स्कटल्यान्डले २३ वर्षपछि ठूलो प्रतियोगितामा खेल्ने
<p>काठमाडौं। पेनाल्टी सुटआउटमा सर्वियालाई ५-४ ले हराउँदै स्कटल्यान्डले युरोपियन च्याम्पियनसिपमा स्थान बनाएको छ।</p>
<p>स्कटल्यान्डले ठूलो प्रतियोगितामा खेल्न लागेको २३ वर्षपछि यो पहिलोपटक हो।</p>
<p>स्कटल्यान्डका गोलकिपर डेबिड मार्शलले एलेक्सेन्डर मित्रोभिचको पेनाल्टी प्रहार बचाइदिएपछि स्कटल्यान्ड विजयी भएको हो।</p>
<p>निर्धारित ९० मिनेटको समय १-१ को बराबरीमा रोकिएपछि खेल पेनाल्टी सुटआउटमा गएको हो।</p>
<p>त्यसअघि रायन क्रिष्टिको गोलबाट स्कटल्यान्डले ५२औं मिनेटमा अग्रता लिएको थियो।</p>
<p>सर्वियाविरुद्धको तीन खेलमा स्कटल्यान्डले गरेको यो पहिलो गोल हो।</p>
<p>इन्जुरी समयमा लुका जोभिचले बराबरी गोल गरेपछि स्कटल्यान्डले युरोपियन च्याम्पियनसिपमा स्थान बनाउन पेनाल्टीसम्म कुर्नु परेको हो।</p>
<p>स्कटल्यान्ड पछिल्लो ९ खेलमा अपराजित रहेको छ। स्कटल्यान्डले ६ खेलमा विजयी नतिजा निकालेको छ भने तीन खेल हारेको छ।</p>
<p>पछिल्लो ४४ वर्षमा स्कटल्यान्डको यो सबभन्दा राम्रो प्रदर्शन हो। स्कटल्यान्ड यअसघि १९३० मा ११ खेलसम्म अपराजित रहेको थियो।</p>
<p>स्कटल्यान्डले अब युरो कपको समूह ‘डी’ मा इङ्ल्यान्ड, क्रोएसिया र चेक गणतन्त्रसँग प्रतिस्पर्धा गर्नेछ। </p>
<p>स्कटल्यान्डले यसअघि १९९८ मा पहिलो पटक विश्वकप खेलेको थियो। त्यसअघि १९९६ मा युरोपियन च्याम्पियनसिप खेलेको थियो।</p>
प्रतिक्रिया दिनुहोस्
.jpg)
