एट्लेटिको मड्रिडमाथि युभेन्टसको जित
<p>काठमाडौं। पाउलो डिबालाले फ्रिकिकमा दर्शनीय गोल गरेपछि इटालियन सिरी ‘ए’ क्लब युभेन्टसले गएराति एट्लेटिको मड्रिडमाथि १-० को नतिजा निकाल्दै च्याम्पियन्स लिगको अन्तिम १६ मा स्थान बनाएको छ। </p>
<p>डिबालाले झन्डै जिरो एङ्गलबाट हानेको फ्रिकिक क्रमबारलाई चुम्दै गोलमा परिणत भयो। त्यही फ्रिकिक गोल नै युभेन्टसको जितमा निर्णायक बन्यो। </p>
<p>यससँगै युभेन्टसले समूह ‘डी’ बाट विजेताको हैसियतमा नकआउट चरणमा स्थान बनाएको छ। </p>
<p>प्रतिस्पर्धात्मक बनेको खेलमा बैकल्पिक खेलाडी फेडरिको बेर्नाडेस्चीले गरेको प्रहार पोष्टमा लागेर फर्किएको थियो। </p>
<p>क्लबको अघिल्लो खेलमा आरम गरेका क्रिस्टियानो रोनाल्डोले पुरै समय मैदानमा बिताए पनि गोल गर्न सकेनन्।</p>
<p>पराजित एट्लेटिको ७ अंकका साथ दोस्रो स्थानमा छ। जुन तेस्रो स्थानको बायर लेभरकुसेन भन्दा १ अंकले मात्र माथि हो।</p>
<p>लेभरकुसनले चाँडो गरी भएको खेलमा रुसको लुकोमोटिभ मस्कोलाई २-० ले पराजित गरेको थियो।</p>
<p>समूहको अन्तिम खेलमा लेभरकसेनले युभेन्टसविरुद्ध खेल्नेछ। <br />
</p>
प्रतिक्रिया दिनुहोस्
.jpg)
