सिरी ‘ए’ को शीर्ष क्लब मिलान घरेलु मैदानमै पराजित
<p style="text-align: justify;">काठमाडौं। इटालियन सिरी ‘ए’ को शीर्ष स्थानमा रहेको एसी मिलान गएराति युरोपा लिगमा फ्रान्सको लिलीसँग ३-० ले पराजित भएको छ।</p>
<p style="text-align: justify;">मिलानले घरेलु मैदानमै लिलीलाई ३-० को नतिजा सुम्पिएको हो। लिलीको जितमा युसुफ याजिसीले ह्याट्रिक गरेका थिए।</p>
<p style="text-align: justify;">भ्रमणकारी लिलीले युसुफ याजिसीको पेनाल्टी गोलबाट २२औं मिनेटमा अग्रता लिएको थियो। याजिसीले ५५औं मिनेटमा अग्रता दोब्बर बनाए। त्यसको तीन मिनेट बित्न नपाउँदै याजिसीले ह्याट्रिक गरेका थिए।</p>
<p style="text-align: justify;">जितपछि लिली समूह ‘एच’ को शीर्ष स्थानमा उक्लिएको छ। लिलीले सात अंक जोडेको छ।</p>
<p style="text-align: justify;">पराजित मिलान ६ अंकका साथ दोस्रो स्थानमा छ। तीन अंकका साथ स्पार्टा प्रागुए तेस्रो स्थानमा छ भने स्कटल्यान्डको सेल्टिकले एक अंक जाडेको छ।</p>
<p style="text-align: justify;">सेल्टिक पनि गएराति घरेलु मैदानमा स्पार्टा प्रागुएसँग ४-१ ले पराजित भयो। प्रागुएको जितमा लुकास जुलिसले ह्याट्रिक गरेका थिए।</p>
.jpg)
