रोनाल्डो कोरोना संक्रमणमुक्त
<p>काठमाडौं। पोर्चुगल तथा युभेन्टसका फरवार्ड क्रिष्टियानो रोनाल्डो कोरोनाभाइरस संक्रमणबाट मुक्त भएका छन्।</p>
<p>३५ वर्षे रोनाल्डोको १३ अक्टोबरमा कोरोना भाइरस परीक्षणको नतिजा पोजिटिभ आएको थियो।</p>
<p>त्यसपछि सेल्फ आइसोलेसनमा बसेका रोनाल्डोले च्याम्पियन्स लिगमा बार्सिलोनाविरुद्धको खेल पनि गुमाएका थिए।</p>
<p>उक्त खेलमा युभेन्टस बार्सिलोनासँग २-० ले पराजित भएको थियो। रोनाल्डोको मंगलबार गरिएको परीक्षणको नतिजा पनि पोजिटिभ आएको थियो।</p>
<p>कोरोना भाइरस संरक्षणका कारण रोनाल्डोले इटालियन सिरी ‘ए’ को दुई तथा युरोपियन प्रतियोगिताको दुई खेल गुमाएका थिए। रोनाल्डोले पछिल्लो पटक ११ अक्टोबरमा पोर्चुगलबाट नेसन्स लिगमा फ्रान्सविरुद्ध खेलेका थिए।</p>
<p>कोरोना भाइरस संक्रमण हुनुअघि रोनाल्डोले युभेन्टसको पहिलो दुई लिग खेलमा तीन गोल गरेका थिए।</p>
<p>च्याम्पियन्स लिगको ‘ड्र’ सार्वजनिक भएपछि रोनाल्डो र लियोनल मेसी पुनः एक पटक आमनेसामने हुने अनुमान गरिएको थियो।</p>
<p>रोनाल्डोले स्पेन छाडेपछि रोनाल्डो र मेसी दुई वर्षयता आमने-सामने भएका छैनन्।</p>
<p>मेसी र रोनाल्डोले संयुक्तरूपमा ११ पटक विश्वको सबभन्दा प्रतिष्ठित बालोन डी‘अर अवार्ड जितेका छन्।</p>
<p>अब यी दुई बीच ८ डिसेम्बरमा क्याम्प नोउमा हुने खेलमा आमने-सामने हुनेछन्।</p>
<p>आन्द्रे पिर्लोको प्रशिक्षणमा रहेको युभेन्टसले अब आइतबार सिरी ‘ए’ मा स्पेजियाविरुद्ध प्रतिस्पर्धा गर्नेछ।</p>
प्रतिक्रिया दिनुहोस्
.jpg)
