कोलकाताविरुद्ध पहिले फिल्डिङ गर्ने चेन्नईको निर्णय
<p style="text-align: justify;">काठमाडौं। उपाधि होडबाट बाहिरिसकेको चेन्नई सुपर किङ्ग्सले इन्डियन प्रिमियर लिग (आइपिएल)मा कोलकाता नाइट राइडर्सविरुद्ध टस जितेर फिल्डिङ रोजेको छ।</p>
<p style="text-align: justify;">कोलकाता दुबई इन्टरनेसनल क्रिकेट मैदानमा नेपाली समयअनुसार ७:४५ बजे सुरु हुने खेलमा जित निकाल्नै पर्ने बाध्यतासहित मैदानमा उत्रिँदै छ।</p>
<p style="text-align: justify;">यसअघिका १२ मध्ये ८ खेलमा पराजय भोगेको चेन्नईको समूह चरणबाट प्लेअफ प्रवेशको सम्भावना समाप्त भइसकेको छ।</p>
<p style="text-align: justify;">अर्कोतर्फ प्लेअफ प्रवेशको सम्भावना जिवितै राख्न कोलकातलाई आजको खेल जित्नै पर्ने बाध्यता छ। अहिले अंक तालिकाको पाँचौं स्थानमा भएको कोलकाताको १२ अंक छ।</p>
<p style="text-align: justify;">समान खेल खेलेका मुम्बई इन्डियन्स १६ अंकसहित शीर्ष तथा रोयल च्यालेन्जर्स बेङ्ग्लोर र दिल्ली १४/१४ अंकसहित क्रमश दोस्रो र तेस्रो स्थानमा छन्।</p>
<p style="text-align: justify;">त्यस्तै चौथो स्थानको किङ्ग्स इलेभेन पञ्जाबको कोलकाताको समान १२ अंक छ। आजको खेलमा पराजित भए कोलकाताको प्लेअफ प्रवेश सम्भावना कम हुँदै जानेछ।</p>
.jpg)
