युभेन्टस बराबरीमा रोकियो
<p>एजेन्सी। कोरोना सङ्क्रमित भएका क्रिस्टियानो रोनाल्डो बिना मैदानमा उत्रिएको युभेन्टसले इटालियन सिरी एमा गए राति भेरोनासँग १-१ गोलको बराबरी खेलेको छ।</p>
<p>घरेलु मैदानमा भएको खेलमा गोलका लागि धेरै अवसर सिर्जना गरे पनि फिनिसिङमा चुक्दा खेल पहिलो हाफ गोलरहित बराबरीमा टुङ्गिएको थियो।</p>
<p>तर, ६०औं मिनेटमा एन्ड्रिए फ्याभिलले गोल गर्दै भ्रमणकारी भरोनालाई अग्रता दिलाएका थिए।</p>
<p>घरेलु मैदानमा १-० ले पछि परेको युभेन्टसका लागि डेजान कुलुसेभ्स्कीले गोल गर्दै बराबरीमा ल्याएका थिए।</p>
<p>बाँकी समयमा गोल हुन नसक्दा दुवै टोलीले अंक बाँडे। बराबरीसँगै ५ खेलबाट ९ अंक जोडेको युभेन्टस पाँचौं स्थानमा उक्लिएको छ। समान खेलबाट ८ अंक जोडेको भेरोना आठौं स्थानमा छ।</p>
प्रतिक्रिया दिनुहोस्
.jpg)
