लेस्टरसँग आर्सनल पराजित
<p>एजेन्सी। जेमी भार्डेको निर्णायक गोल प्रेरित लेस्टर सिटीले इङ्लिस प्रिमियर लिगमा गए राति आर्सनललाई १-० को नतिजामा पराजित गरेको छ।</p>
<p>आर्सनलको मैदा एमिरेट्स स्टेडियममा भएको खेलको पहिलो हाफ गोलरहित बराबरीमा टुङ्गिएको थियो। दुवै टोलीबाट गोलका लागि निरन्तर प्रयास भए पनि रक्षापंक्ति छिचोल्न नसक्दा ७९ मिनेटसम्म गोल हुन सकेको थिएन।</p>
<p>तर, ८०औं मिनेटमा भार्डेल‍े गरेको एक मात्र गोल निर्णायक बन्दा आर्सनल आफ्नै मैदानमा पराजित भयो।</p>
<p>जितसँगै ६ खेलबाट १२ अंक जोडेको लेस्टर सिटी तालिकाको चौथो स्थानमा उक्लिएको छ। पराजित आर्सनल समान खेलबाट ९ अंक जोडेर १०औं स्थानमा सीमित छ।</p>
<p><img alt="" height="450" src="https://resources.premierleague.com/photos/premierleague/photo/2020/10/25/35b38930-79b9-489a-9a10-32fab9bcb03b/1229281626.jpg?width=1350&height=759" width="800" /></p>
प्रतिक्रिया दिनुहोस्
.jpg)
