टुङ्गियो एस्टोन भिल्लाको अपराजित यात्रा, ब्याम्फोर्डको ह्याट्रिक
<p>एजेन्सी। प्याट्रिक ब्याम्फोर्डको ह्याट्रिक प्रेरित लिड्स युनाइटेडले इङ्लिस प्रिमियर लिगमा गए राति एस्टोन भिल्लालाई ३-० को नतिजामा पराजित गरेको छ।</p>
<p>एस्टोन भिल्लाको मैदानमा भएको खेलको पहिलो हाफ गोलरहित बराबरीमा टुङ्गएको थियो। दोस्रो हाफमा आक्रामक शैलीमा मैदान उत्रिएको लिड्सका लागि ५५औं मिनेटमा ब्याम्फोर्डले गोल गर्दै टोलीलाई अग्रता दिलाएका थिए।</p>
<p>त्यसको १२ मिनेटपछि ब्याम्फोर्डकै दोस्रो गोलमार्फत लिड्सले अग्रता दोब्बर पारेको थियो।</p>
<p>ब्याम्फोर्डले ७४औं मिनेटमा ह्याट्रिक पूरा गरेसँगै एस्टोन भिल्लाको अपराजित यात्रामा पूर्णविराम लाग्यो।</p>
<p>यसअघिका ४ खेलमा जित निकालेको एस्टोन भिल्ला १२ अंकसहित दोस्रो स्थानमा छ। लिड्स ६ खेलबाट १० अंकसहित तेस्रो स्थानमा उक्लिएको छ।</p>
प्रतिक्रिया दिनुहोस्
.jpg)
