च्याम्पियन्स लिगमा म्यानचेस्टर सिटीको विजयी सुरुआत
<p>एजेन्सी। म्यानचेस्टर सिटीले च्याम्पियन्स लिगको समूह 'सी'अन्तर्गत बुधबार राति भएको खेलमा एफसी पोर्टोलाई ३-१ ले पराजित गरेको छ।</p>
<p> घरेलु मैदानमा सिटीलाई जिताउन तीन फरक खेलाडीले गोल गरे। पोर्टोका लुइस डियाजले गरेको गोलसँगै सिटी १४औं मिनेटमा १-० ले पछि परेको थियो।</p>
<p>तर, त्यसको ६ मिनेट नबित्दै फरवार्ड सर्जियो अग्वेरोले २०औं मिनेटमा पेनाल्टीमार्फत गोल गर्दै पेप ग्वार्डिओलाको टोलीलाई बराबरीमा ल्याएका थिए।</p>
<p>पहिलो हाफ १-१ को बराबरीमा टुङ्गिएको खेलको दोस्रो हाफमा सिटीले दुई गोल थप्दै नतिजा आफ्नो पक्षमा पार्‍यो।</p>
<p>सिटीका लागि इल्काई गुन्डगानले ६५ तथा फेरान टोरेसले ७३औं मिनेटमा गोल गरेका थिए।</p>
<p>जितसँगै सिटीले तीन अंक जोडेको छ। सोही समूहको अर्को खेलमा अहमद महगबको निर्णायक गोल प्रेरित ओलम्पियाकसले मार्सेलाई १-० ले पराजित गरेको छ।</p>
प्रतिक्रिया दिनुहोस्
.jpg)
