अष्ट्रेलियासामु पाकिस्तान निरीह
<p>काठमाडौं। इन्टरनेशनल टेस्ट च्याम्पियनसिप अन्तर्गत् अष्ट्रेलियाविरुद्धको पहिलो टेस्टमा पाकिस्तानले इनिङ्सको पराजय व्यहोरेको छ। </p>
<p>अष्ट्रेलियाको ब्रिसबेनमा भएको पहिलो टेस्टमा पाकिस्तान एक इनिङ्स र ५ रनले पराजित भएको हो।</p>
<p>टस जितेर पहिले व्याटिङ गरेको पाकिस्तानले पहिलो इनिङ्समा २४० रन जोडेको थियो।</p>
<p>अष्ट्रेलियाले पहिलो इनिङ्समै ५८० रन बनायो । मार्नस लाबुचेनको १८५ र डेबिड वार्नरको १५४ रनको योगदानमा अष्ट्रेलियाले विशाल योगफल खडा गरेको थियो। </p>
<p>दोस्रो इनिङ्समा पनि पाकिस्तानको प्रदर्शन राम्रो हुन सकेन।</p>
<p>शुरुआत राम्रो गरे पनि नियमित अन्तरमा विकेट गुमाउन थालेको पाकिस्तानलाई बाबर आजम र मोहम्मद रिजवानले सम्हाल्ने प्रयास गरेका थिए। आजमले १०४ र रिजवानले ९५ रन जोडे।</p>
<p>तर, अष्ट्रेलियाका मिचेल स्टार्क, प्याट कमिन्स र जोस हेजलउडको ‘पेस’ आक्रमणसामु उनीहरुको केही लागेन। </p>
<p>दोस्रो इनिङ्समा पाकिस्तान ३३५ रनमा अलआउट भयो।</p>
<p>दुवै इनिङ्समा गरेर स्टार्कले ७, हेजलउडले ६ र कमिन्सले ५ विकेट लिए।</p>
प्रतिक्रिया दिनुहोस्
.jpg)
