पञ्जाबको लगातार तेस्रो जित, दिल्लीको तेस्रो हार
<p>काठमाडौं। निकोलस पुरनको विस्फोटक अर्धशतकप्रेरित किङ्ग्स इलेभेन पञ्जाबले दिल्ली क्यापिटल्सलाई ५ विकेटले पराजित गरेसँगै इन्डियन प्रिमियर लिग (आईपीएल)मा लगातार तेस्रो जित हासिल गरेको छ।</p>
<p>दुबई अन्तर्राष्ट्रिय क्रिकेट रंगशालामा टस जितेर ब्याटिङ रोजेको दिल्लीले निर्धारित २० ओभरमा ५ विकेट गुमाएर १६४ रनको योगफल तयार गरेको थियो।</p>
<p>दिल्लीका लागि कीर्तमानी शतक बनाएका शिखर धवनले ६१ बलमा १२ चौका र ३ छक्कासहित १०६ रनको अविजित इनिङ खेलेका थिए।</p>
<p>अन्य ब्याट्सम्यानले उल्लेख्य प्रदर्शन गर्न नसक्दा दिल्लीले ठूलो योगफल बनाउन सकेन। पञ्जाबका लागि मोहम्मद शामीले सर्वाधिक दुई विकेट लिएका थिए।</p>
<p>१२० बलमा १६५ रनको विजय लक्ष्यसहित जवाफी ब्याटिङमा उत्रिएको पञ्जाबले १० ओभरमै ५ विकेट गुमाएर पूरा गर्‍यो।</p>
<p>पञ्जाबका लागि अर्धशतक बनाएका पुरनले २८ बलमा ६ चौका र ३ छक्कासहित ५३ रन जोडे। त्यस्तै ग्लेन मेक्सवेल ३२, क्रिस गेल २९, केएल राहुल १५ रन बनाएर आउट हुँदा दीपक हुडा १५ तथा जेम्स निशम १० रनमा अविजित रहे।</p>
<p>जितसँगै पञ्जाब १० खेलमा ८ अंक जोड्दै तालिकाको पाँचौं स्थानमा उक्लिएको छ।</p>
<p>पराजित दिल्ली १० खेलबाट १५ अंकसहित शीर्ष स्थानमा छ।</p>
प्रतिक्रिया दिनुहोस्
.jpg)
