कोलकातालाई हराएर मुम्बई शीर्ष स्थानमा
<p>काठमाडौं। क्‍विन्टन डी ककको अविजित अर्धशतकप्रेरित मुम्बई इन्डियन्सले इन्डियन प्रिमियर लिग (आईपीएल)मा कोलकाता नाइट राइडर्सलाई ८ विकेटले पराजित गरेको छ।</p>
<p>कोलकाताविरुद्धको शानदार जितसँगै ८ खेलबाट १२ अंक जोडेको मुम्बई अंक तालिकाको शीर्ष स्थानमा फर्किएको छ।</p>
<p>अवुधावीस्थित शेख जाइद रंगशालामा टस जितेर ब्याटिङ रोजेको कोलकाताले निर्धारित २० ओभरमा ५ विकेट गुमाएर १४८ रनको योगफल तयार पारेको थियो।</p>
<p>कोलकाताका लागि प्याट कमिन्सले ३६ बलमा ५ चौका र २ छक्कासहित ५३ रनको शतकीय इनिङ खेलेका थिए।</p>
<p>त्यस्तै कप्तान ओएन मोर्गानले पनि २९ बलमा ३९ रनको महत्त्वपूर्ण अविजित इनिङ लेखेका थिए।</p>
<p>त्यसबाहेक शुबमन गिलले २१ बाहेक अन्य ब्याट्सम्यानले दोहोरो अंकका रन बनाउनक सकेका थिएनन्।</p>
<p>मुम्बईका लागि राहुल चहले सर्वाधिक २ विकेट लिएका थिए।</p>
<p>१४९ को विजय लक्ष्यसहित जवाफी ब्याटिङमा उत्रिएको मुम्बईका ओपनर डी ककले ४४ बलमा ९ चौका र ३ छक्कासहित अविजित ७८ रन बनाए। त्यस्तै कप्तान रोहित शर्माले ३५ तथा हार्दिक पाण्डेयाले २१ रन बनाए।</p>
<p>डी कक र पान्डेयाले अन्तिम समयसम्म गरेको विस्फोटक ब्याटिङ मद्दतमा मुम्बईले १६.५ ओभरमा मात्रै २ विकेट गुमाएर लक्ष्य पूरा गर्‍यो।</p>
<p>पराजित कोलकाता ८ खेलबाट ८ अंकसहित तालिकाको चौथो स्थानमा छ।</p>
प्रतिक्रिया दिनुहोस्
.jpg)
