आईपीएलमा पञ्जाबको दोस्रो जित, बेङ्गलोर ८ विकेटले पराजित
<p>काठमाडौं। कप्तान केएल राहुल र क्रिस गेलको शानदार ब्याटिङ प्रेरित किङ्ग्स इलेभने पञ्जाबले इन्डियन प्रिमियर लिग (आईपीएल)मा रोयल च्यालेन्जर्स बेङ्‍गलोरलाई ८ विकेटले पराजित गरेको छ।</p>
<p>पञ्जाबका लागि ओपनिङमा आएका कप्तान राहुलले अविजित ६१ रनको अर्धशतकीय इनिङ खेले।</p>
<p>शारजाह क्रिकेट रंगशालामा कप्तान विराट कोहलीले ब्याटिङ गर्ने निर्णय गरेपछि क्रिजमा उत्रिएको बेङ्‍गलोरले निर्धारित २० ओभरमा ६ विकेट गुमाएर १७१ रन बनाएको थियो।</p>
<p>बेङ्‍गलोरका लागि कप्तान कोहलीले सर्वाधिक ४८, क्रिस मोरिसले २५ र शिवम डुबेले २३ रनको योगदान गरेका थिए।</p>
<p>पञ्जाबका लागि मुरुगान आश्विन र मोहम्मद शामीले २/२ विकेट लिए।</p>
<p>१७२ रनको विजय लक्ष्यसहित जवाफी ब्याटिङमा उत्रिएको पञ्जाबका लागि ओपनरद्वय राहुलले ४९ बलमा १ चौका र ५ छक्कासहित ६१ रनको अविजित इनिङ खेल्दा मयङ्क अग्रवाल २५ बलमा ४ चौका र ३ छक्कासहित ४५ रन बनाएर पेभेलियन फर्के।</p>
<p>विस्फोटक ब्याट्सम्यान क्रिस गेलले ४५ बलमा १ चौका र ५ छक्कासहित ५३ रनको आक्रमक इनिङ खेले।</p>
<p>जितका लागि १ बलमा १ रन आवश्यक हुँदा क्रिजमा उत्रिएका निकोलस पुरनले अन्तिम बलमा छक्का प्रहार गर्दै पञ्जाबको जित सुनिश्चित गरे।</p>
<p>जितसँगै ८ खेलबाट ४ अंक जोडेको पञ्जाब तालिकाको पुछारमा छ भने बेङ्‍गलोर समान खेलबाट १० अंकसहित तालिकाको तेस्रो स्थानमा छ।</p>
प्रतिक्रिया दिनुहोस्
.jpg)
