बेङ्ग्लोरविरुद्ध १७२ रनको लक्ष्य पछ्याउँदै पञ्जाब
<p>काठमाडौं। इन्डियन प्रिमियर लिग (आईपीएल)मा खराब समयबाट गुज्ररहेको किङ्‍ग्स एलेभेन पञ्जाबले रोयल च्यालेन्जर्स बेङ्‍गलोरविरुद्ध १७२ रनको विजय लक्ष्य पाएको छ।</p>
<p>शारजाह क्रिकेट रंगशालामा कप्तान विराट कोहलीले ब्याटिङ गर्ने निर्णय गरेपछि क्रिजमा उत्रिएको बेङ्‍गलोरले निर्धारित २० ओभरमा ६ विकेट गुमाएर १७१ रन बनायो।</p>
<p>बेङ्‍गलोरका लागि कप्तान कोहलीले सर्वाधिक ४८, क्रिस मोरिसले २५ र शिवम डुबेले २३ रनको योगदान गरे।</p>
<p>पञ्जाबका लागि मुरुगान आश्विन र मोहम्मद शामीले २/२ विकेट लिए।</p>
<p>बेङ्‍गलोर हालसम्मका सात खेलबाट १० अंकसहित तालिकाको तेस्रो स्थानमा छ भने पञ्जाब समान खेलबाट २ अंक मात्रै जोडेर पुछारमा छ।</p>
प्रतिक्रिया दिनुहोस्
.jpg)
