राजस्थानलाई पराजित गर्दै दिल्ली आईपीएलको शीर्ष स्थानमा
<p>काठमाडौं। राजस्थान रोयल्सलाई १३ रनले पराजित गर्दै दिल्ली क्यापिटल्स इन्डियन प्रिमियर लिग (आईपीएल)को अंक तालिकाको शीर्ष स्थानमा उक्लिएको छ।</p>
<p>यसअघिका ७ खेलमा दुई हार र पाँच जित निकालेको दिल्लीले यो जितसँगै ८ खेलबाट १२ अंक जोडेको छ।</p>
<p>दुबई अन्तर्राष्ट्रिय क्रिकेट रंगशालामा टस जितेर ब्याटिङ रोजेको दिल्लीले निर्धारित २० ओभरमा ७ विकेट गुमाएर १६१ रनको योगफल तयार पारेको थियो।</p>
<p>दिल्लीका ओपनर पृथ्वी शह गोल्डेन डक आउट हुँदा अर्का ओपनर शिखर धवनले ३३ बलमा ६ चौका र २ छक्कासहित ५७ रनको अर्धशतकीय इनिङ खेलेका थिए।</p>
<p>अजिङ्क्य राहाणे २ बलमा पेभेलियन फर्किँदा कप्तान श्रेयस ऐयरले ४३ बलमा ३ चौका र २ छक्कासहित ५३ रन बनाएर आउट भएका थिए। अन्य ब्याट्सम्यानले उल्लेख्य प्रदर्शन गर्न सकेका थिएनन्।</p>
<p>राजस्थानका लागि जोफ्रा आर्चरले ३ तथा जयदेव उनदकटले २ विकेट लिएका थिए।</p>
<p>१६२ रनको विजय लक्ष्यसहित जवाफी ब्याटिङमा उत्रिएको राजस्थानले निर्धारित २० ओभरमा ८ विकेट गुमाएर १४८ रन मात्र बनाउन सक्यो।</p>
<p>राजस्थानका लागि ओपनर बेन स्टोक्सले ४१ तथा जोस बटलरले २२ रनको योगदान गरेका थिए। त्यस्तै रविन उथप्पाले ३२ तथा सञ्जु सेमसनले २५ बाहेक अन्य ब्याट्सम्यानले उल्लेख्य प्रदर्शन गर्न सकेनन्।</p>
<p>दिल्लीका लागि अनरिच नोखिया र तुषार देशपांडेले २/२ विकेट लिए।</p>
प्रतिक्रिया दिनुहोस्
.jpg)
